ಇಂದಿನ ಧಾವಂತದ ಜೀವನಶೈಲಿಯಲ್ಲಿ ರಾತ್ರಿ ತಡವಾಗಿ ಊಟ ಮಾಡುವ ಅಭ್ಯಾಸ ಅನೇಕರಲ್ಲಿ ರೂಢಿಯಾಗಿದೆ. ಕಚೇರಿಯ ಕೆಲಸದೊತ್ತಡ, ತಡವಾಗಿ ಮನೆಗೆ ತಲುಪುವುದು ಅಥವಾ ಮೊಬೈಲ್-ಟಿವಿ ನೋಡ್ತಾ ರಾತ್ರಿ ಕಳೆಯುವುದರಿಂದ ಊಟದ ಸಮಯವೂ ವಿಳಂಬವಾಗುತ್ತದೆ. ಆದರೆ, ಈ ಸಣ್ಣ ಅಭ್ಯಾಸವು ನಿಮ್ಮ ದೇಹದ ಆಂತರಿಕ ಆರೋಗ್ಯದ ಮೇಲೆ ಎಷ್ಟು ಗಂಭೀರ ಪರಿಣಾಮ ಬೀರುತ್ತದೆ ಎಂಬುದು ಬಹುತೇಕರಿಗೆ ತಿಳಿದಿಲ್ಲ.
ಅಂಕಿಅಂಶಗಳ ಪ್ರಕಾರ ಹಾಗೂ ಪ್ರಮುಖ ಆರೋಗ್ಯ ಅಧ್ಯಯನಗಳ ವರದಿಯಂತೆ, ರಾತ್ರಿ 9 ಗಂಟೆಯ ನಂತರ ಅಥವಾ ಮಲಗುವ ಕೇವಲ ಮುಂಚೆ ಊಟ ಮಾಡುವವರಲ್ಲಿ ಮೆದುಳಿನ ರಕ್ತನಾಳ ಸಂಬಂಧಿ ಕಾಯಿಲೆಗಳು ಮತ್ತು ಪಾರ್ಶ್ವವಾಯು (Stroke) ಉಂಟಾಗುವ ಗಂಡಾಂತರ ಅತ್ಯಧಿಕವಾಗಿರುತ್ತದೆ.
ತಡರಾತ್ರಿ ಊಟದಿಂದ ಆರೋಗ್ಯಕ್ಕಾಗುವ ಪ್ರಮುಖ ಅಪಾಯಗಳು:
-
ಪಾರ್ಶ್ವವಾಯು ಮತ್ತು ರಕ್ತನಾಳದ ಸಮಸ್ಯೆ: ರಾತ್ರಿ ತಡವಾಗಿ ಹೊಟ್ಟೆತುಂಬಾ ತಿನ್ನುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟ ಮತ್ತು ರಕ್ತದೊತ್ತಡ (Blood Pressure) ರಾತ್ರಿಯಿಡೀ ಏರಿಕೆಯಾಗುತ್ತಿರುತ್ತದೆ. ಇದು ಮೆದುಳಿನ ರಕ್ತನಾಳಗಳ ಮೇಲೆ ದುಷ್ಪರಿಣಾಮ ಬೀರಬಹುದು.
-
ಜೀರ್ಣಕ್ರಿಯೆ ಮಂದಗೊಳ್ಳುವುದು: ರಾತ್ರಿ ವೇಳೆ ನಮ್ಮ ದೇಹದ ಜೀರ್ಣಾಂಗ ವ್ಯವಸ್ಥೆಯು ವಿಶ್ರಾಂತಿ ಸ್ಥಿತಿಗೆ ಜಾರಲು ಸಜ್ಜಾಗುತ್ತದೆ. ಈ ಸಮಯದಲ್ಲಿ ಭಾರವಾದ ಅಥವಾ ಕರಿದ ತಿಂಡಿಗಳನ್ನು ತಿಂದರೆ ಜೀರ್ಣಕ್ರಿಯೆ ಕುಂಠಿತಗೊಂಡು ಗ್ಯಾಸ್ಟ್ರಿಕ್, ಅಜೀರ್ಣ ಮತ್ತು ಎದೆಉರಿಗೆ ಕಾರಣವಾಗುತ್ತದೆ.
-
ಬೊಜ್ಜು ಮತ್ತು ತೂಕ ಹೆಚ್ಚಳ: ತಡರಾತ್ರಿಯ ಆಹಾರವು ಸರಿಯಾಗಿ ಕ್ಯಾಲೊರಿಗಳನ್ನು ದಹಿಸಲು ಬಿಡುವುದಿಲ್ಲ. ಇದರಿಂದ ದೇಹದಲ್ಲಿ ಕೊಬ್ಬು ಶೇಖರಣೆಯಾಗಿ ತೂಕ ಹೆಚ್ಚಾಗಲು ಪ್ರಮುಖ ಕಾರಣವಾಗುತ್ತದೆ.
ಆರೋಗ್ಯ ಕಾಪಾಡಿಕೊಳ್ಳಲು ಸರಳ ಸಲಹೆಗಳು:
-
ಸಮಯಕ್ಕೆ ಸರಿಯಾಗಿ ಊಟ: ಸಾಧ್ಯವಾದಷ್ಟು ರಾತ್ರಿ 8 ಗಂಟೆಯೊಳಗೆ ಹಿತಮಿತವಾದ ಊಟ ಮುಗಿಸುವುದು ಉತ್ತಮ.
-
ನಿದ್ರೆಗೂ ಮುನ್ನ ಅಂತರ: ನೀವು ರಾತ್ರಿ ಮಲಗುವ ಕನಿಷ್ಠ 2 ರಿಂದ 3 ಗಂಟೆಗಳ ಮೊದಲೇ ರಾತ್ರಿ ಭೋಜನವನ್ನು ಸೇವಿಸಿ. ಇದು ಆಹಾರವು ಸುಲಭವಾಗಿ ಜೀರ್ಣವಾಗಲು ನೆರವಾಗುತ್ತದೆ.
-
ಪೌಷ್ಟಿಕ ಆಹಾರ: ರಾತ್ರಿ ವೇಳೆ ಅತಿಯಾದ ಎಣ್ಣೆ ಪದಾರ್ಥಗಳು, ಕರಿದ ತಿಂಡಿಗಳು ಹಾಗೂ ಜಂಕ್ ಫುಡ್‌ಗಳಿಗೆ ವಿದಾಯ ಹೇಳಿ. ಬದಲಿಗೆ ಲಘು ಹಾಗೂ ಪೌಷ್ಟಿಕಾಂಶಯುಕ್ತ ಆಹಾರಗಳನ್ನು ಸೇವಿಸಿ ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳಿ.
