ಸನಾತನ ಧರ್ಮದಲ್ಲಿ ತುಳಸಿ ಗಿಡಕ್ಕೆ ಅತ್ಯಂತ ಪವಿತ್ರ ಹಾಗೂ ಉನ್ನತ ಸ್ಥಾನ ನೀಡಲಾಗಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ತುಳಸಿಯನ್ನು ಸಾಕ್ಷಾತ್ ಮಹಾಲಕ್ಷ್ಮಿಯ ಸ್ವರೂಪ ಎಂದು ಪರಿಗಣಿಸಲಾಗುತ್ತದೆ. ಪ್ರತಿದಿನ ಸಂಜೆಯ ವೇಳೆ ತುಳಸಿ ಸಸ್ಯದ ಸೈನ್ನಿಧ್ಯದಲ್ಲಿ ದೀಪ ಬೆಳಗಿಸುವುದರಿಂದ ಮನೆಯಲ್ಲಿರುವ ನಕಾರಾತ್ಮಕ ಶಕ್ತಿಗಳು ದೂರಾಗಿ, ಧನಾತ್ಮಕ ಅಲೆಗಳು ಹಾಗೂ ಸಮೃದ್ಧಿ ನೆಲೆಸುತ್ತದೆ. ಆದರೆ, ಈ ದೈವಿಕ ಪೂಜೆಯನ್ನು ಮಾಡುವಾಗ ಕೆಲವು ನಿರ್ದಿಷ್ಟ ವಾಸ್ತು ಮತ್ತು ಧಾರ್ಮಿಕ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದು ಬಹಳ ಮುಖ್ಯ.
ತುಳಸಿ ಪೂಜೆ ಮಾಡುವಾಗ ಗಮನಿಸಬೇಕಾದ ಪ್ರಮುಖ ನಿಯಮಗಳು
-
ದೀಪದ ವ್ಯವಸ್ಥೆ ಮತ್ತು ದಿಕ್ಕು: ಸಂಜೆ ತುಳಸಿ ಕಟ್ಟೆಯ ಬಳಿ ದೀಪ ಹಚ್ಚುವಾಗ ಅದನ್ನು ನೇರವಾಗಿ ನೆಲದ ಮೇಲೆ ಇಡಬಾರದು. ಬದಲಾಗಿ ಸ್ವಲ್ಪ ಅಕ್ಕಿಯ ಮೇಲೆ ದೀಪವನ್ನು ಇಡುವುದು ಅತ್ಯಂತ ಶ್ರೇಯಸ್ಕರ. ಹಾಗೆಯೇ ಪೂಜೆ ಮಾಡುವಾಗ ಉತ್ತರ ಅಥವಾ ಪೂರ್ವ ದಿಕ್ಕಿಗೆ ಮುಖ ಮಾಡಿ ದೀಪ ಬೆಳಗುವುದು ಮಂಗಳಕರ ಫಲಗಳನ್ನು ನೀಡುತ್ತದೆ.
-
ಸರಿಯಾದ ಸಮಯ: ಸಾಮಾನ್ಯವಾಗಿ ಸಂಜೆ ಸೂರ್ಯಾಸ್ತದ ಸಮಯ ಅಂದರೆ ಸಂಜೆ 5:00 ರಿಂದ 6:00 ಗಂಟೆಯ ಒಳಗೆ ತುಳಸಿಯ ಮುಂದೆ ತುಪ್ಪದ ದೀಪ ಹಚ್ಚುವುದು ಮನೆಗೆ ಅಷ್ಟೈಶ್ವರ್ಯಗಳನ್ನು ತರುತ್ತದೆ.
-
ವಿಶೇಷ ಶ್ಲೋಕ ಪಠಣ: ತುಳಸಿ ಪೂಜೆಯ ಸಮಯದಲ್ಲಿ ಈ ಕೆಳಗಿನ ಪ್ರಸಿದ್ಧ ಶ್ಲೋಕವನ್ನು ಭಕ್ತಿಭಾವದಿಂದ ಪಠಿಸುವುದರಿಂದ ದೈಹಿಕ ಹಾಗೂ ಮಾನಸಿಕ ತೊಂದರೆಗಳು ನಿವಾರಣೆಯಾಗಿ ಉತ್ತಮ ಆರೋಗ್ಯ ಹಾಗೂ ನೆಮ್ಮದಿ ಲಭಿಸುತ್ತದೆ:
ಮಹಾಪ್ರಾಪಾದ್ ಜನನಿ ಸರ್ವಸೌಭಾಗ್ಯವರ್ಧಿನಿ
ಆಧಿ ವ್ಯಾಧಿ ಹರ ನಿತ್ಯಂ ತುಳಸಿ ತ್ವಾಂ ನಮಾಮ್ಯಹಮ್
ಜೀವನದಲ್ಲಿ ಒಳಿತಾಗಲು ಶ್ರದ್ಧಾಭಕ್ತಿಯೇ ಮಾರ್ಗ
ಶಾಸ್ತ್ರಬದ್ಧವಾಗಿ ಮತ್ತು ಶುದ್ಧ ಮನಸ್ಸಿನಿಂದ ತುಳಸಿ ಪೂಜೆ ಮಾಡುವುದರಿಂದ ಕುಟುಂಬದಲ್ಲಿ ಸಾಮರಸ್ಯ ಹೆಚ್ಚಾಗುತ್ತದೆ. ಜೀವನದಲ್ಲಿ ಎದುರಾಗುವ ಆರ್ಥಿಕ ಅಡೆತಡೆಗಳು, ಸಾಂಸಾರಿಕ ಬಿಕ್ಕಟ್ಟುಗಳು ಕ್ರಮೇಣ ದೂರಾಗಿ ಒಳಿತಿನ ಹಾದಿ ಗೋಚರಿಸುತ್ತದೆ. ಪ್ರತಿದಿನ ಮುಂಜಾನೆ ತುಳಸಿಗೆ ನೀರೆರೆದು, ಸಂಜೆ ದೀಪ ಹಚ್ಚುವ ರೂಢಿ ಇಟ್ಟುಕೊಂಡರೆ ತಾಯಿ ಮಹಾಲಕ್ಷ್ಮಿಯ ಕೃಪೆ ಸದಾ ಆ ಕುಟುಂಬದ ಮೇಲೆ ಇರುತ್ತದೆ.
