ಸೀತಾಫಲವು (Custard Apple) ಕೇವಲ ರುಚಿಯಲ್ಲಿ ಮಾತ್ರವಲ್ಲದೆ, ಆರೋಗ್ಯದ ದೃಷ್ಟಿಯಿಂದಲೂ ಅತ್ಯಂತ ಶ್ರೇಷ್ಠವಾದ ಹಣ್ಣಗಿದೆ. ಇದರಲ್ಲಿ ವಿಟಮಿನ್‌ಗಳು, ಖನಿಜಗಳು, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಣಗಳು ಹಾಗೂ ಜೀರ್ಣಕ್ರಿಯೆಯನ್ನು ಸುಧಾರಿಸುವ ಅಂಶಗಳು ಸಮೃದ್ಧವಾಗಿವೆ. ಆದರೆ ಮಾರುಕಟ್ಟೆಯಿಂದ ಸರಿಯಾದ ಮತ್ತು ಸಿಹಿಯಾದ ಹಣ್ಣನ್ನು ಆರಿಸುವುದು ಹೇಗೆ ಎಂಬ ಗೊಂದಲ ಅನೇಕರRಲ್ಲಿರುತ್ತದೆ. ನೀವು ಕೂಡ ಉತ್ತಮ ಗುಣಮಟ್ಟದ ಸೀತಾಫಲವನ್ನು ಖರೀದಿಸಲು ಬಯಸಿದರೆ ಈ ಕೆಳಗಿನ ಸರಳ ಸಲಹೆಗಳನ್ನು ಗಮನದಲ್ಲಿಟ್ಟುಕೊಳ್ಳಿ.
ತಾಜಾ ಮತ್ತು ಮಾಗಿದ ಸೀತಾಫಲವನ್ನು ಗುರುತಿಸುವ ವಿಧಾನಗಳು:
-
ಬಣ್ಣವನ್ನು ಗಮನಿಸಿ: ಸಂಪೂರ್ಣವಾಗಿ ಮಾಗಿದ ಸೀತಾಫಲವು ಸಾಮಾನ್ಯವಾಗಿ ಆಕರ್ಷಕವಾದ ತಿಳಿ ಹಸಿರು ಅಥವಾ ಹಳದಿ ಮಿಶ್ರಿತ ಹಸಿರು ಬಣ್ಣದಲ್ಲಿರುತ್ತದೆ. ಕಡು ಹಸಿರು ಬಣ್ಣದ ಹಣ್ಣುಗಳು ಕಚ್ಚಾ ಅಥವಾ ಬಲಿಯದ ಹಣ್ಣುಗಳಾಗಿರುತ್ತವೆ.
-
ಮೃದುತ್ವ ಪರೀಕ್ಷೆ: ಹಣ್ಣನ್ನು ಕೈಯಲ್ಲಿ ಹಿಡಿದು ಸೌಮ್ಯವಾಗಿ ಒತ್ತಿದಾಗ ಅದು ಸ್ವಲ್ಪ ಮೃದುವಾಗಿರಬೇಕು. ತೀರಾ ಗಟ್ಟಿಯಾಗಿದ್ದರೆ ಅದು ಹಣ್ಣಾಗಿಲ್ಲ ಎಂದರ್ಥ. ಹಾಗೆಯೇ ತುಂಬಾ ಮೆತ್ತಗಿದ್ದರೆ ಅದು ಕೊಳೆತಿರುವ ಸಾಧ್ಯತೆಯಿರುತ್ತದೆ.
-
ಸಿಹಿಯಾದ ಸುವಾಸನೆ: ಮಾಗಿದ ಉತ್ತಮ ಗುಣಮಟ್ಟದ ಸೀತಾಫಲವು ಒಂದು ವಿಶಿಷ್ಟವಾದ ಹಾಗೂ ಹಿತವಾದ ಸಿಹಿ ಸುವಾಸನೆಯನ್ನು ಬೀರುತ್ತದೆ. ದೂರದಿಂದಲೇ ಅದರ ಪರಿಮಳ ತಿಳಿಯುತ್ತದೆ.
-
ತೂಕದಲ್ಲಿ ಹಗುರಾಗಿರುವುದು: ಚೆನ್ನಾಗಿ ಮಾಗಿದ ಹಣ್ಣುಗಳು ಸಾಮಾನ್ಯವಾಗಿ ತೂಕದಲ್ಲಿ ಹಗುರವಾಗಿರುತ್ತವೆ. ಹೆಚ್ಚು ಭಾರವಿದ್ದರೆ ಅದು ಒಳಗಿನಿಂದ ಸರಿಯಾಗಿ ಪಕ್ವಗೊಂಡಿಲ್ಲ ಎಂದು ಅರ್ಥೈಸಿಕೊಳ್ಳಬಹುದು.
ಆರೋಗ್ಯ ಪ್ರಯೋಜನಗಳು:
-
ರೋಗನಿರೋಧಕ ಶಕ್ತಿ: ಇದರಲ್ಲಿರುವ ಪೋಷಕಾಂಶಗಳು ದೇಹದ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತವೆ.
-
ಜೀರ್ಣಕ್ರಿಯೆ: ನಾರುಯುಕ್ತ ಪದಾರ್ಥಗಳು (Fiber) ತುಂಬಿರುವುದರಿಂದ ಜೀರ್ಣಾಂಗ ವ್ಯವಸ್ಥೆಯನ್ನು ಆರೋಗ್ಯವಾಗಿಡಲು ಇದು ಸಹಕಾರಿ.
-
ಮೂಳೆಗಳ ಬಲವರ್ಧನೆ: ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಮ್ ಅಂಶಗಳು ಮೂಳೆಗಳ ಆರೋಗ್ಯಕ್ಕೆ ಅತ್ಯುತ್ತಮ ಕೊಡುಗೆ ನೀಡುತ್ತವೆ.
