ನಮ್ಮ ಅಡುಗೆ ಮನೆಯಲ್ಲಿ ಸುಲಭವಾಗಿ ಸಿಗುವ ಮಸಾಲೆ ಪದಾರ್ಥಗಳಲ್ಲಿ ಆರೋಗ್ಯದ ಅನೇಕ ನಿಧಿಗಳು ಅಡಗಿವೆ. ಅದರಲ್ಲೂ ಪ್ರಮುಖವಾಗಿ ‘ಕಪ್ಪು ಜೀರಿಗೆ’ ಅಥವಾ ಕಾಳಜಿರಾ (Black Cumin) ನಮ್ಮ ದೇಹಕ್ಕೆ ನೀಡುವ ಲಾಭಗಳು ಒಂದೆರಡಲ್ಲ. ಯಾವುದೇ ರಾಸಾಯನಿಕಗಳಿಲ್ಲದೆ ನೈಸರ್ಗಿಕವಾಗಿ ಅನೇಕ ರೋಗಗಳನ್ನು ಗುಣಪಡಿಸುವ ಶಕ್ತಿ ಈ ಪುಟ್ಟ ಬೀಜಗಳಿಗಿದೆ. ಇತ್ತೀಚಿನ ದಿನಗಳಲ್ಲಿ ಬದಲಾಗುತ್ತಿರುವ ಜೀವನಶೈಲಿ ಮತ್ತು ಹವಾಮಾನ ವೈಪರೀತ್ಯದಿಂದ ಕಾಡುವ ಆರೋಗ್ಯ ಸಮಸ್ಯೆಗಳಿಗೆ ಕಪ್ಪು ಜೀರಿಗೆಯು ರಾಮಬಾಣದಂತೆ ಕೆಲಸ ಮಾಡುತ್ತದೆ.
ಕೆಮ್ಮು ಮತ್ತು ಶೀತಕ್ಕೆ ತತ್‌ಕ್ಷಣದ ಪರಿಹಾರ
ಮಳೆಗಾಲ ಅಥವಾ ಚಳಿಗಾಲದಲ್ಲಿ ನೆಗಡಿ, ಗಂಟಲು ನೋವು ಮತ್ತು ಎದೆ ಕಟ್ಟಿಕೊಳ್ಳುವಿಕೆ ಸಮಸ್ಯೆ ಅನೇಕರನ್ನು ಕಾಡುತ್ತದೆ. ಇಂತಹ ಸಮಯದಲ್ಲಿ ಕಪ್ಪು ಜೀರಿಗೆಯನ್ನು ಈ ಕೆಳಗಿನಂತೆ ಬಳಸುವುದು ಉತ್ತಮ:
-
ವಿಶೇಷ ಕಷಾಯ: ಒಂದು ಲೋಕ ನೀರಿಗೆ ಸ್ವಲ್ಪ ಕಪ್ಪು ಜೀರಿಗೆಯನ್ನು ಹಾಕಿ ಚೆನ್ನಾಗಿ ಕುದಿಸಿ. ನಂತರ ಅದನ್ನು ಸೋಸಿ, ಅದಕ್ಕೆ ಹಸಿ ಜೇನುತುಪ್ಪವನ್ನು ಬೆರೆಸಿ ಕುಡಿದರೆ ಗಂಟಲಿನ ಕಿರಿಕಿರಿ ನಿವಾರಣೆಯಾಗಿ ಕೆಮ್ಮು ಮತ್ತು ಶೀತ ಬೇಗನೆ ವಾಸಿಯಾಗುತ್ತದೆ.
-
ವಾಸನೆಯಿಂದ ಶಮನ: ಸ್ವಲ್ಪ ಕಪ್ಪು ಜೀರಿಗೆಯನ್ನು ತೆಗೆದುಕೊಂಡು ತೆಳ್ಳನೆಯ ಬಟ್ಟೆಯಲ್ಲಿ ಕಟ್ಟಿ, ಅದನ್ನು ಚೆನ್ನಾಗಿ ಜಜ್ಜಿ ಪರಿಮಳವನ್ನು ಆಗಾಗ ಸವೆಯುತ್ತಿದ್ದರೆ ಮೂಗು ಕಟ್ಟಿಕೊಳ್ಳುವಿಕೆ ಹಾಗೂ ನೆಗಡಿಯ ಸಮಸ್ಯೆ ತಕ್ಷಣವೇ ಶಮನಗೊಳ್ಳುತ್ತದೆ.
ತೂಕ ಇಳಿಕೆಗೆ ಅತ್ಯುತ್ತಮ ಮದ್ದು
ದೇಹದ ಅತಿಯಾದ ಬೊಜ್ಜು ಮತ್ತು ತೂಕ ಇಳಿಸಿಕೊಳ್ಳಲು ಹೆಣಗಾಡುತ್ತಿರುವವರಿಗೆ ಕಪ್ಪು ಜೀರಿಗೆ ವರದಿಯಾಗಿದೆ. ಇದು ದೇಹದಲ್ಲಿರುವ ಮೆಟಬಾಲಿಸಮ್ ಮಟ್ಟವನ್ನು ಹೆಚ್ಚಿಸಿ, ಅನಗತ್ಯ ಕೊಬ್ಬು ಕರಗಲು ಸಹಾಯ ಮಾಡುತ್ತದೆ. ತೂಕ ಇಳಿಸಿಕೊಳ್ಳುವ ಗುರಿ ಹೊಂದಿರುವವರು ಕನಿಷ್ಠ 3 ತಿಂಗಳ ಕಾಲ ನಿಯಮಿತವಾಗಿ ಕಪ್ಪು ಜೀರಿಗೆಯನ್ನು ತಮ್ಮ ಆಹಾರ ಪದ್ಧತಿಯಲ್ಲಿ ಅಥವಾ ಕಷಾಯದ ರೂಪದಲ್ಲಿ ಸೇವಿಸುತ್ತಾ ಬಂದರೆ ಉತ್ತಮ ಹಾಗೂ ನಿಖರವಾದ ಫಲಿತಾಂಶವನ್ನು ಕಾಣಬಹುದಾಗಿದೆ.
