ದಿನನಿತ್ಯದ ಒತ್ತಡ, ಧೂಳು ಮತ್ತು ಮಾಲಿನ್ಯದಿಂದಾಗಿ ಕೂದಲು ತನ್ನ ಕಾಂತಿಯನ್ನು ಕಳೆದುಕೊಂಡು ಉದುರಲು ಆರಂಭಿಸುತ್ತದೆ. ಕೂದಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಎಣ್ಣೆ ಹಚ್ಚುವುದು (Hair Oiling) ಅತ್ಯಂತ ಹಳೆಯ ಹಾಗೂ ಪರಿಣಾಮಕಾರಿ ವಿಧಾನ. ಆದರೆ, ಎಣ್ಣೆಯನ್ನು ಸರಿಯಾದ ಸಮಯಕ್ಕೆ ಮತ್ತು ಸರಿಯಾದ ಕ್ರಮದಲ್ಲಿ ಹಚ್ಚಿದರೆ ಮಾತ್ರ ಕೂದಲು ಸದೃಢವಾಗಿ ಬೆಳೆಯಲು ಸಾಧ್ಯ. ಇಲ್ಲದಿದ್ದರೆ ತಲೆಹೊಟ್ಟು ಮತ್ತು ಕೂದಲು ಉದುರುವ ಸಮಸ್ಯೆ ಮತ್ತಷ್ಟು ಹೆಚ್ಚಾಗಬಹುದು. ಹಾಗಾದರೆ, ಕೂದಲಿಗೆ ಎಣ್ಣೆ ಹಚ್ಚುವ ಸರಿಯಾದ ವಿಧಾನ ಹಾಗೂ ಅನುಸರಿಸಬೇಕಾದ ಪ್ರಮುಖ ನಿಯಮಗಳು ಯಾವುವು ಎಂಬುದನ್ನು ಇಲ್ಲಿ ತಿಳಿಯಿರಿ.
1. ತಲೆ ಸ್ನಾನ ಮಾಡುವ ಮುನ್ನ ಎಣ್ಣೆ ಹಚ್ಚಿ
ಸಾಮಾನ್ಯವಾಗಿ ತಲೆ ಸ್ನಾನ (Hair Wash) ಮಾಡುವುದಕ್ಕೆ ಕೇವಲ 2ರಿಂದ 3 ಗಂಟೆಗಳ ಮೊದಲು ಕೂದಲಿಗೆ ಎಣ್ಣೆಯನ್ನು ಹಚ್ಚಿಕೊಳ್ಳುವುದು ಉತ್ತಮ ಅಭ್ಯಾಸ. ಇದು ಎಣ್ಣೆಯು ನೆತ್ತಿಯ ಆಳಕ್ಕೆ ಇಳಿದು ಕೂದಲಿನ ಬೇರುಗಳನ್ನು ಗಟ್ಟಿಯಾಗಿಸಲು ಸಾಕಷ್ಟು ಸಮಯಾವಕಾಶ ನೀಡುತ್ತದೆ.
2. ಕೂದಲು ತುಂಬಾ ಕೊಳೆಯಾಗಿದ್ದರೆ ರಾತ್ರಿ ಎಣ್ಣೆ ಹಚ್ಚಿ
ನಿಮ್ಮ ಕೂದಲು ಅಥವಾ ನೆತ್ತಿಯು ಅತಿಯಾದ ಧೂಳು, ಹೊಲಸು ಅಥವಾ ಎಣ್ಣೆಯಂಶದಿಂದ ಕೂಡಿದ್ದರೆ, ರಾತ್ರಿ ಮಲಗುವ ಮುನ್ನವೇ ಕೂದಲಿಗೆ ಚೆನ್ನಾಗಿ ಎಣ್ಣೆ ಹಚ್ಚಿಕೊಳ್ಳುವುದು ಒಳ್ಳೆಯದು. ರಾತ್ರಿಯಿಡೀ ಎಣ್ಣೆ ಕೂದಲಿನಲ್ಲಿ ಇರುವುದರಿಂದ ತಲೆಗೆ ಆಳವಾದ ಪೋಷಣೆ ಸಿಗುತ್ತದೆ. ಮರುದಿನ ಬೆಳಿಗ್ಗೆ ಮೈಲ್ಡ್ ಶಾಂಪೂ ಬಳಸಿ ತಲೆ ಸ್ನಾನ ಮಾಡಬಹುದು.
3. ಎಣ್ಣೆಯನ್ನು ಸ್ವಲ್ಪ ಉಗುರುಬೆಚ್ಚಗೆ ಮಾಡಿ ಹಚ್ಚಿ
ತಣ್ಣನೆಯ ಎಣ್ಣೆಗಿಂತ ಸ್ವಲ್ಪ ಬಿಸಿ ಮಾಡಿದ (Lukewarm) ಎಣ್ಣೆಯನ್ನು ಕೂದಲಿಗೆ ಹಚ್ಚುವುದು ಹೆಚ್ಚು ಪ್ರಯೋಜನಕಾರಿ. ಎಣ್ಣೆಯನ್ನು ಹಿತವಾಗಿ ಬಿಸಿ ಮಾಡುವುದರಿಂದ ಅದು ನೆತ್ತಿಯ ರಂಧ್ರಗಳ ಮೂಲಕ ಬೇಗನೆ ಹೀರಿಕೊಳ್ಳಲ್ಪಡುತ್ತದೆ ಮತ್ತು ರಕ್ತ ಸಂಚಾರವನ್ನು (Blood Circulation) ಸುಧಾರಿಸುತ್ತದೆ.
4. ಮೃದುವಾದ ಮಸಾಜ್ ಇರಲಿ
ಕೂದಲಿಗೆ ಎಣ್ಣೆ ಹಚ್ಚಿದ ಕೂಡಲೇ ಬಿರುಸಾಗಿ ಉಜ್ಜಬಾರದು. ಬೆರಳತುದಿಗಳಿಂದ (Fingertips) ನೆತ್ತಿಯ ಮೇಲೆ ನಿಧಾನವಾಗಿ ಮತ್ತು ಮೃದುವಾಗಿ ಮಸಾಜ್ ಮಾಡಬೇಕು. ಇದು ಮನಸ್ಸಿಗೆ ಆರಾಮ ನೀಡುವುದರ ಜೊತೆಗೆ ಒತ್ತಡವನ್ನು ಕಡಿಮೆ ಮಾಡುತ್ತದೆ.
5. ದೀರ್ಘಕಾಲ ಮಸಾಜ್ ಮಾಡುವುದು ಬೇಡ
ಅನೇಕರು ಗಂಟೆಗಟ್ಟಲೆ ಕೂದಲಿಗೆ ಮಸಾಜ್ ಮಾಡುತ್ತಿರುತ್ತಾರೆ. ಆದರೆ ಇದು ತಪ್ಪು. ಕೂದಲಿಗೆ ಕೇವಲ 3 ರಿಂದ 4 ನಿಮಿಷಗಳ ಕಾಲ ಮಸಾಜ್ ಮಾಡುವುದು ಸಾಕು. ಅತಿ ಹೆಚ್ಚು ಒತ್ತಡ ಹಾಕಿ ಅಥವಾ ಹೆಚ್ಚು ಹೊತ್ತು ಮಸಾಜ್ ಮಾಡುವುದರಿಂದ ಕೂದಲು ಬೇರು ಸಹಿತ ಕಿತ್ತುಬರುವ ಅಪಾಯವಿರುತ್ತದೆ.
6. ಎಣ್ಣೆ ಹಚ್ಚಿದ ಕೂಡಲೇ ಸ್ನಾನ ಮಾಡಬೇಡಿ
ಕೂದಲಿಗೆ ಎಣ್ಣೆ ಹಚ್ಚಿದ ತಕ್ಷಣವೇ ಸ್ನಾನ ಮಾಡುವ ಗೂಡುತುಡುಕು ಮಾಡಬೇಡಿ. ಎಣ್ಣೆ ಹಚ್ಚಿದ ಬಳಿಕ ಸ್ವಲ್ಪ ಸಮಯ (ಕನಿಷ್ಠ 2-3 ಗಂಟೆಗಳು ಅಥವಾ ರಾತ್ರಿಯಿಡೀ) ಹಾಗೆಯೇ ಬಿಡಿ. ಆಗ ಮಾತ್ರ ಪೋಷಕಾಂಶಗಳು ಕೂದಲಿಗೆ ಸಂಪೂರ್ಣವಾಗಿ ದೊರೆಯುತ್ತವೆ.
