ದಾವಣಗೆರೆ : ನವೆಂಬರ್ 12, 2023ರ ದಿನವನ್ನು ವಿಶ್ವ ನ್ಯುಮೋನಿಯಾ ದಿನಾಚಾರಣೆಯನ್ನಾಗಿ ವಿಶ್ವದೆಲ್ಲೆಡೆ ಆಚರಿಸಲಾಗುತ್ತಿದೆತನ್ಮಿತ್ತ ಈ ಲೇಖನ.
ವಿಶೇಷ ಲೇಖನ: ಡಾ.ಎನ್.ಕೆ.ಕಾಳಪ್ಪನವರ್
ವಿಶ್ವದಾದ್ಯಂತ ನವೆಂಬರ್ 12,2023 ರರಂದು “ವಿಶ್ವ ನ್ಯುಮೋನಿಯಾ ದಿನವನ್ನುಆಚರಿಸಲಾಗುತ್ತದೆ. ಈ ದಿನವನ್ನು 2009 ರಂದು ಜಗತ್ತಿನಾದ್ಯಂತ ಮಾರಕ ಕಾಯಿಲೆಯಾದ ನ್ಯುಮೋನಿಯಾವನ್ನು ತಡಗಟ್ಟಲು ಹಾಗೂ ಕಾಯಿಲೆಯಿಂದ ಬಳಲುತ್ತಿರುವವರಿಗೆ ಸೂಕ್ತ ಚಿಕಿತ್ಸೆಯನ್ನು ನೀಡಲು ಜಾಗೃತಿ ಕಾರ್ಯಕ್ರಮವನ್ನಾಗಿ ಮಾಡಲಾಯಿತು.
ಭಾರತದೇಶವು ಶೇ. 44 ರಷ್ಟು ವಿಶ್ವದ 5 ವರ್ಷದ ಒಳಗಿನ ಮಕ್ಕಳ ಸಂಖ್ಯೆಯನ್ನು ಹೊಂದಿದೆ. ಸರ್ಕಾರ ಹಾಗು ಸರ್ಕಾರೇತರ ಸಂಘ ಸಂಸ್ಥೆಗಳಿಂದ ಹಾಗೂ ವೈದ್ಯಕೀಯ ರಂಗದಿಂದ ಸಾಕಷ್ಟು ಪ್ರಯತ್ನಗಳನ್ನು ಮಾಡಿದರೂ ನ್ಯುಮೋನಿಯಾ ಖಾಯಿಲೆಯು 5 ವರ್ಷ ಒಳಗಿನ ಮಕ್ಕಳಲ್ಲಿ ಸುಮಾರು35ರಿಂದ40 ಲಕ್ಷ ರೋಗಿಗಳು ಪ್ರತಿ ವರ್ಷ ವಿಶ್ವದೆಲ್ಲೆಡೆ ಕಾಯಿಲೆಯಿಂದ ಬಳಲುತ್ತಾರೆ ಮತ್ತುವಿಶ್ವದಾದ್ಯಂತ ಪ್ರತಿ 20 ಸೆಕೆಂಡಿಗೆ ಒಂದು ಮಗು ನ್ಯುಮೋನಿಯಾ ದಿಂದ ಸಾವನ್ನಪ್ಪುತ್ತದೆ.
ನಮ್ಮದೇಶದಿಂದಲೆ ಜಗತ್ತಿನ ಶೇ. 30 ರಷ್ಟು ಸಾವುಗಳು ನ್ಯುಮೋನಿಯಾ ದಿಂದಆಗುತ್ತಿವೆ.ನಮ್ಮದೇಶದಲ್ಲಿ ಸುಮಾರು 3 ರಿಂದ 4 ಲಕ್ಷ ಮಕ್ಕಳು ಸಾವನ್ನುಪ್ಪುತ್ತಾರೆ.ಭಾರತದಲ್ಲಿ ಪ್ರತಿ 1000 ಹುಟ್ಟುವ ಮಕ್ಕಳಲ್ಲಿ 33 ಮಕ್ಕಳು ನ್ಯುಮೋನಿಯಾ ದಿಂದ ಸಾವನ್ನಪ್ಪುತ್ತವೆ, ಈ ಸಾವು ಮಂದುವರೆದ ದೇಶಗಳಿಗಿಂತ 15 ಪಟ್ಟು ನಮ್ಮದೇಶದಲ್ಲಿ ಸಾವನ್ನಪ್ಪುತ್ತಿದ್ದಾರೆ.ಈ ಖಾಯಿಲೆ ಕುರಿತು ಕೇವಲ ವೈದ್ಯಕೀಯರಂಗದವರಿಗಲ್ಲದೆ ಜನ ಸಾಮಾನ್ಯರಿಗೂ ಈ ಖಾಯಿಲೆಯ ಸಮಗ್ರ ಮಾಹಿತಿಅವಶ್ಯವಿದ್ದುಅದರಿಂದ ಎಷ್ಟೋ ಪ್ರಮಾಣದಲ್ಲಿಖಾಯಿಲೆಯನ್ನುತಡೆಗಟ್ಟಬಹುದಾಗಿದೆ.
ನ್ಯುಮೋನಿಯಾ ಎಂದರೇನು ?
ನ್ಯುಮೋನಿಯಾ ಎಂದರೆ ಪುಪ್ಪಸಗಳು, ರೋಗಾಣುಗಳಿಂದ ಬಳಲಿ ಕಫಗಟ್ಟುವಿಕೆ ಹಾಗೂ ಉಸಿರಾಟದಲ್ಲಿ ತೀರ್ವತೆಯನ್ನುಂಟು ಮಾಡುವ ಖಾಯಿಲೆಗೆ ನ್ಯುಮೋನಿಯಾ ಎಂದು ಕರೆಯುವರು. ಈ ಖಾಯಿಲೆಯು 5 ವರ್ಷದ ಒಳಗಿನ ಮಕ್ಕಳಲ್ಲಿ ಹೆಚ್ಚಿನ ತೀರ್ವತೆಯನ್ನು ಹೊಂದಿದ್ದು ಲಕ್ಷಾಂತರ ಮಕ್ಕಳ ಸಾವಿಗೆ ಕಾರಣವಾಗಿದೆ.
ನ್ಯುಮೋನಿಯಾ ರೋಗದ ಲಕ್ಷಣಗಳು
ವರ್ಷದ ಒಳಗಿನ ಮಕ್ಕಳಲ್ಲಿ
- ಹಾಲು ಕುಡಿಯಲು ನಿರಾಕರಿಸುವುದು
- ಜ್ವರ ಕೆಮ್ಮು, ಹೆಚ್ಚು ಅಳುವುದು
- ಮಂದವಾಗಿರುವುದು
- ಮೈ ಬಣ್ಣದಲ್ಲಿ ಬದಲಾವಣೆ
- ವೇಗವಾಗಿ ಉಸಿರಾಡುವುದು
- ಪಕ್ಕೆ ಸೆಳೆತ
- ಎಚ್ಚರ ತಪ್ಪವುದು.
ಮಗು ನೀಲಿ ಬಣ್ಣಕ್ಕೆತಿರುಗುವುದು.
ವರ್ಷದ ಮೇಲಿನ ಮಕ್ಕಳಲ್ಲಿ
- ಜ್ವರ,ಕೆಮ್ಮು,ಉಸಿರಾಟದಲ್ಲಿ ಏರಿಳಿತ
ಉಬ್ಬಸ, ಪಕ್ಕೆ ಸೆಳೆಯುವುದು - ಉಸಿರಾಡುವಾಗ ಶಬ್ದ ಬರುವುದು
- ನೀಲಿ ಬಣ್ಣಕ್ಕೆತಿರುಗುವುದು ಮೂರ್ಛೆರೋಗ (ಫಿಟ್ಸ) ಬರುವುದು.
ಯಾವ ಮಕ್ಕಳಲ್ಲಿ ಈ ಖಾಯಿಲೆ ಸಹಜವಾಗಿ ಕಾಣುವುದು
- ದಿನ ತುಂಬದೇ ಹುಟ್ಟಿದ ಮಕ್ಕಳು ( ಫ್ರೀಮ್ಯಾಜುರ)
- ಎದೆ ಹಾಲು ಉಣಿಸದಿರುವುದು
- ಪೌಷ್ಥಿಕಾಂಶದ ಕೊರತೆ
- ಹೃದಯ ಖಾಯಿಲೆ
- ಸೀಳು ತುಟಿ ಹಾಗು ಸೀಳು ಅಂಗಳ
- ಚುಚ್ಚು ಮದ್ದು ಹಾಕಿಸದೆ ಇರುವುದು
- ಬಾಟಲಿ ಅಥವಾ ಪೌಡರ
- ಹಾಲು ಕುಡಿಯದ ಮಕ್ಕಳು
- ಬುದ್ದಿ ಮಂದ ಮಕ್ಕಳು
ವಾಯು ಮಾಲಿನ್ಯವಿರುವ ಸ್ಥಳ - ಒಳಾಂಗಣ ವಾಯುಮಾಲಿನ್ಯ
ನ್ಯುಮೋನಿಯಾ ಖಾಯಿಲೆಯಿಂದ ಆಗಬಹುದಾದ ಆತಂಕಗಳು
- ಮಗುವು ಉಸಿರಾಟದ ತೊಂದರೆಯಾಗಿ ಬೇಗನೆ ಸುಸ್ತಾಗುವುದು
- ಮಗುವು ಕೆಮ್ಮು ಹಾಗು ಜ್ವರದಿಂದ ಬಳಲುವುದು
- ಖಾಯಿಲೆಯ ತೀವ್ರತೆಯಿಂದ ಮಗುವಿನ ಪುಪ್ಪಸದಲ್ಲಿತೀರ್ವವಾಗುತ್ತದೆ.
- ಪುಪ್ಪಸಗಳು ಒಡೆದು ಎದೆಯಲ್ಲಿ ಗಾಳಿ ತುಂಬುವುದು
- ತೀವ್ರ ಉಸಿರಾಟದ ತೊಂದರೆಯಿಂದ ಎಚ್ಚರತಪ್ಪುವುದು
- ದೇಹದ ಅಂಗಾಂಗಳ ವೈಫಲತೆಯುಂಟಾಗುವುದು
ನ್ಯುಮೋನಿಯಾ ಖಾಯಿಲೆಗೆ ತಪಾಸಣೆ ಹಾಗೂ ಚಿಕಿತ್ಸೆ
- ಮುಖ್ಯವಾಗಿ ವೈದ್ಯರತಪಾಸಣೆ ಮತ್ತು ಸಲಹೆ
- ರಕ್ತ ಪರೀಕ್ಷೆ
- ಕ್ಷಕಿರಣ ಹಾಗೂ ಸಿಟಿ/ ಎಂಆರ.ವಿ ಪರೀಕ್ಷೆ
- ಅಲ್ಟ್ರಾಸೌಂಡ ಪರೀಕ್ಷೆ
ನ್ಯುಮೋನಿಯಾ ಚಿಕಿತ್ಸೆ ರೂಪಗಳು
- ಮುಖ್ಯವಾಗಿ ಜ್ವರಕ್ಕ್ರೆ ಮಾತ್ರೆ
- ಉಸಿರಾಟದ ತೊಂದರೆ ಇದ್ದಲ್ಲಿಆಮ್ಲಜನಕದ ಚಿಕಿತ್ಸೆ
- ಆಂಟಿಬಯಾಟಿಕ್ಸ ( ಪ್ರತಿ ಜೀವಕಗಳು)
- ಮಗುವಿಗೆ ಹೆಚ್ಚು ನೀರಿನಂಶ
- ಖಾಯಿಲೆ ಹೆಚ್ಚಿಗೆಇದ್ದಲ್ಲಿಆಸ್ಪತ್ರೆಗೆ ದಾಖಲಾಗುವುದು
- ಕೃತಕ ಉಸಿರಾಟ ಮುಂತಾದ ಚಿಕಿತ್ತೆ ಬೇಕಾಗುತ್ತದೆ.
ಚಿಕಿತ್ಸೆಯನ್ನುತಡೆಗಟ್ಟುವಿಕೆ
ಮೊದಲೆಯದಾಗಿ ಸ್ವಚ್ಚವಾಗಿ ಕೈ ತೊಳೇಯುವುದು ಹಾಗೂ ರೋಗಿಗಳನ್ನು ಬೇರ್ಪಡಿಸುವುದು ಮುಖ್ಯವಾಗಿ ಕೆಳಕಂಡ ಚುಚ್ಚುಮದ್ದುಗಳನ್ನು ತಪ್ಪದೆ ತಾಯಂದಿರುತಮ್ಮ ಮಗುವಿಗೆ ಹಾಕಿಸಬೇಕು. ಉದಾಹರಣೆಗೆ ಬಿ.ಸಿ.ಜಿ., ಡಿ..ಪಿ.ಟಿ., ಹಿಬ್ಬ್ ಲಸಿಕೆ.ನ್ಯುಮೋನಿಯಾ (ನಿಮೊಕಾಕಲ್) ಲಸಿಕೆ
ಮೀಸಲ್ ( ಧಡಾರ ) ಲಸಿಕೆ. ಇದರಿಂದ ಸುಮಾರು3 ಲಕ್ಷ ಮಕ್ಕಳಲ್ಲಾಗುವ ಸಾವು ನೋವುಗಳನ್ನು ತಡೆಗಟ್ಟಬಹುದು.
-ಡಾ.ಎನ್.ಕೆ.ಕಾಳಪ್ಪನವರ್,
ರಾಷ್ಟ್ರೀಯ ಮಕ್ಕಳ ಶ್ವಾಸಕೋಶ ತಜ್ಞರ ಅಸೋಸಿಯೇಷನ್ ಅಧ್ಯಕ್ಷರು
English Summary: pneumonia disease dr n.k kalappanavar suggestions
