ದಾವಣಗೆರೆ: (ಆ.ವಿ) ಜು.17: ಮಳೆಗಾಲದಲ್ಲಿ ( rainy season)ನಿಮ್ಮ ಪಾದಗಳ ರಕ್ಷಣೆ ಮಾಡುವುದು ಹೇಗೆ ?
ಮಳೆಗಾಲದಲ್ಲಿ ಸಾಮಾನ್ಯವಾಗಿ ಒಂದೆಲ್ಲ ಒಂದು ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಹೆಚ್ಚಿನ ತೇವಾಂಶವಿರುವ ಕಾರಣ ನಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಮುಖ್ಯವಾಗುತ್ತದೆ, ಮಳೆಗಾಲದಲ್ಲಿ ನಿಮ್ಮ ಪಾದಗಳ ಆರೋಗ್ಯ ಹಾಳಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಅದಕ್ಕೆ ವಿಶೇಷವಾದ ಕಾಳಜಿ ಮತ್ತು ಆರೈಕೆ ಅಗತ್ಯ. ಇಲ್ಲವಾದರೆ ಪಾದಗಳನ್ನು ರಕ್ಷಣೆ ಮಾಡುವುದು ಕಷ್ಟವಾಗುತ್ತದೆ .
ಧೂಳಿಗೆ ಅಂದರೆ ಹೊರಗೆ ಹೋಗಿ ಬಂದ ನಂತರ ಪಾದಗಳನ್ನು ಸ್ವಚ್ಛವಾಗಿ ತೊಳೆದು, ಒಣಗಿಸಿಸುವ ಅಭ್ಯಾಸ ಮಾಡಿಕೊಳ್ಳಿ. ಕೊಳೆಯಿಂದ ಕೂಡಿದ ನೀರು ಅಥವಾ ತೇವಾಂಶ ಪಾದಗಳಲ್ಲಿಯೇ ಉಳಿದುಕೊಂಡಿದ್ದರೆ ಫಂಗಸ್ ಸೋಂಕು ಉಂಟಾಗುವ ಸಾಧ್ಯತೆ ಇರುತ್ತದೆ.ಇದು ನಿಮಗೆ ಪಾದಗಳಲ್ಲಿ ಗುಳ್ಳೆ, ಉರಿ ಮತ್ತು ತುರಿಕೆಗೆ ಕಾರಣವಾಗುತ್ತದೆ. ಅಲ್ಲದೇ ಪಾದವನ್ನು ತೊಳೆದ ನಂತರ ಮೊಯ್ಚುರೈಸರ್ ಹಚ್ಚುವ ಅಭ್ಯಾಸ ಮಾಡಿಕೊಳ್ಳಿ. ಮಳೆಗಾಲದಲ್ಲಿ ತೇವಾಂಶವಿರುವ ಕಾರಣ , ಪಾದಗಳನ್ನು ಒಣಗಿಸಿಕೊಳ್ಳುವುದು ಮುಖ್ಯವಾಗುತ್ತದೆ.
ನೀವು ಸ್ನಾನದ ನಂತರ ಪಾದಗಳನ್ನು ಸ್ವಚ್ಛವಾಗಿ ಒಣಗಿಸಿ ನಂತರ ಪಾದದ ಕ್ರೀಮ್ಗಳನ್ನು ಹಚ್ಚಿ. ಅತಿಯಾಗಿ ಬೆವರುತ್ತೀರಿ ಅಥವಾ ನೀರಿನಲ್ಲಿ ಪದೇ ಪದೇ ಓಡಾಡುವ ಸಂದರ್ಭ ಬರುತ್ತದೆ ಎಂದಾದರೆ ಪಾದಗಳನ್ನು ಒಣಗಿಸಿ ಬಳಿಕ ಪೌಡರ್ಗಳನ್ನು ಹಚ್ಚಬೇಕು. ನೀವು ಶೀತ ಸ್ವಭಾವದವರಾಗಿದ್ದರೆ ಸಾಕ್ಸ್ ಹಾಕುವುದನ್ನ ಅಭ್ಯಾಸ ಮಾಡಿಕೊಳ್ಳಿ. ಮಳೆಗಾಲದಲ್ಲಿ ಆದಷ್ಟು ಗಾಳಿಯಾಡುವಂತಹ ಪಾದರಕ್ಷೆಯನ್ನು ಧರಿಸುವುದು ಒಳ್ಳೆಯದು.
ನೀವು ಧರಿಸುವ ಪಾದರಕ್ಷೆ ನಿಮ್ಮ ಪಾದದ ಆರೋಗ್ಯವನ್ನು ನಿರ್ಧರಿಸುತ್ತದೆ. ಇಲ್ಲವಾದರೆ ಬೆವರು, ನೀರು ಮತ್ತು ಕೊಳೆ ಎಲ್ಲವೂ ಪಾದಗಳಲ್ಲಿ ಸೇರಿಕೊಂಡು, ಸೋಂಕು ಸೇರಿದಂತೆ ಇತರ ಚರ್ಮದ ಸಮಸ್ಯೆಗಳು ಉಂಟಾಗುತ್ತದೆ. ಒದ್ದೆಯಾದ ಸಾಕ್ಸ್ ಅಥವಾ ಶೂಗಳನ್ನು ಹೆಚ್ಚು ಸಮಯದವರೆಗೆ ಧರಿಸಬೇಡಿ. ನಿಮ್ಮ ಪಾದ ಹೆಚ್ಚು ತೇವಾಂಶದಿಂದ ಕೂಡಿದ್ದರೆ ಶೀತ, ಜ್ವರದಂತಹ ಬೇರೆ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.
ಉಗುರುಗಳನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳುವುದು ಮುಖ್ಯವಾಗುತ್ತದೆ. ನೀವು ಪ್ರತಿ ಬಾರಿ ಉಗುರಿನ ಬಗ್ಗೆ ಕಾಳಜಿವಹಿಸುವುದು ಕಷ್ಟವಾಗುತ್ತದೆ ಎಂದಾದರೇ, ನೀವು ಉಗುರು ತೆಗೆಯುವಾಗ ನಿಮ್ಮ ಉಗುರನ್ನು ಸ್ವಚ್ಛ ಮಾಡಿ. ಇಲ್ಲದಿದ್ದಲ್ಲಿ ಉಗುರಿನ ಸಂಧಿಯಲ್ಲಿ ಕೊಳೆಗಳು ಸೇರುತ್ತದೆ. ಮಳೆಗಾಲ ಪ್ರಾರಂಭವಾದಾಗ, ಅನೇಕ ರೀತಿಯ ರೋಗಗಳು ಸುತ್ತಿಕೊಂಡು ಬರುತ್ತವೆ.
ಆದರೆ ನೀವು ಅಂತಹ ಸಮಸ್ಯೆಗಳನ್ನು ತಪ್ಪಿಸಬೇಕೆಂದರೆ ಕೆಲ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಮಳೆಗಾಲದಲ್ಲಿ ನಿಮ್ಮ ತ್ವಚೆ ಮತ್ತು ಕೂದಲಿನ ಜೊತೆಗೆ ಪಾದಗಳಿಗೂ ವಿಶೇಷ ಕಾಳಜಿಯ ಅಗತ್ಯವಿದೆ. ಪಾದಗಳು ಆಗಾಗ್ಗೆ ಮಳೆಯಲ್ಲಿ ಒದ್ದೆಯಾಗುತ್ತವೆ. ಇದರಿಂದ ಫಂಗಲ್ ಇನ್ ಫೆಕ್ಷನ್, ರಿಂಗ್ ವರ್ಮ್, ತುರಿಕೆ ಸಮಸ್ಯೆ ಪಾದಗಳಲ್ಲಿ ಶುರುವಾಗುತ್ತದೆ.
